ព្យាបាលជំងឺ៖ គ្រុនចាញ់ ក្អក ជំនួយសួត បញ្ចុះលាមក ប្រមេះទឹកបាយ គ្រុន បញ្ចុះទឹកនោម ព្យាបាលហឺត បន្ទន់លាមក រើម ស្វាយ
ប្រភេទរុក្ខជាតិ៖ ចំប៉ីក្រហម
លក្ខណៈរុក្ខជាតិ៖ ជាចុល្លព្រឹក្សមានកំពស់ ៣-៦ម មានមែកច្រើន ដើមមានជ័រពណ៌ស។ ស្លឹក ដុះឆ្លាស់ទងជារង្វង់ បន្ទះស្លឹកធំរាងទ្រវែង ស្រួចចុង មានលេចទ្រនុងចេញច្បាស់។ ផ្កា កញ្ចុំផ្កាចេញនៅចុងមែក មានទងវែង មានពណ៌ក្រហម មានក្លិនក្រអូប មាន ៥ត្របក។ ផ្លែ ជាកួររាងមូលដូចត្រល់ ពេលទុំប្រេះបែក។
កន្លែងដាំដុះ៖ ដាំនៅតាមសួន។ បន្តពូជដោយគ្រាប់ មែក។
ផ្នែកប្រើប្រាស់៖ ស្លឹក ផ្កា គ្រាប់ និងសំបកដើម ។
ការព្យាបាល៖
-ស្លឹក: ស្លឹករោលភ្លើង យកមកស្អំហើម ឆុងទឹកក្តៅផឹកព្យាបាលហឺត
-ផ្កា: ព្យាបាលគ្រុនចាញ់ ក្អក ជំនួយសួត
-គ្រាប់: បន្ទន់លាមក រើម ស្វាយ
-សំបកដើម: បញ្ចុះលាមក ដាំផឹកព្យាបាលប្រមេះទឹកបាយ គ្រុន បញ្ចុះទឹកនោម
កំរិតប្រើ៖
-ផ្កា ប្រើពី ១០-១៥ក្រាម ដាំទឹកហូបក្នុងមួយថ្ងៃ។
-ស្លឹក សំបកដើម ប្រើពី ១៥-៣០ក្រាម ដាំទឹកហូបក្នុងមួយថ្ងៃ៕
**សូមពិនិត្យ និងពិគ្រោះជាមួយគ្រូពេទ្យឱ្យបានច្បាស់លាស់ និងអស់លទ្ធភាពជាមុន។ វិធីនេះអាចប្រើសាកល្បងនៅពេលដែលអ្នកមិនមានជម្រើសផ្សេង។
សម្រួលអត្ថបទ៖ អ៊ាង សុផល្លែត
សូមរក្សាទម្រង់អត្ថបទរបស់ខ្ញុំរាល់ប្រភពដែលយកទៅចែកចាយបន្ត។
